"Манчестер Сити" Вирцни қўлга киритиш арафасида
The Athletik Breaking нашри берган хабарга кўра, Пеп Гвардиола "Манчестер Сити" билан шартномани узайтиришга рози бўлганидан сўнг, Премер-лига чемпионлари энди келажакни аниқ режалаштиришлари мумкин.
ЖЧ-2022 гуруҳ босқичи 1-турдан кейиноқ кўпчилик 1-тур қаҳрамонини танлашга улгурди - эквадорлик Эннер Валенсия. Охирги вақтда Туркияда «Фенербахче» шарафини ҳимоя қилаётган ҳужумчи очилиш ўйинида шу қадар хушчақчақ футбол кўрсатдики, бунинг ортидан Эквадор миллий жамоаси мухлислари сафи сезиларли даражада ортди.
БОНУС
Эквадор термаси қаторасига 7та ўйиндан буён гол қўйиб юбораётгани йўқ. Тўғри, КОНМЕБОЛ вакили шу ўйинларда рақиблар дарвозасини атиги 4та марта ишғол қилиб, 3та ғалаба қайд этди. Хуллас, охирги 7та ўйиндан 4тасини 0:0 ҳисоби билан якунлади.
Қатар миллий жамоаси дарвозасига урилган 2та гол ўз йўлига, Эннер майдонда ҳаракатланган 77 дақиқа давомида мезбонларга кўз очиш имкониятини бермади «Ал-Байт» аренасини кучли таҳликада ушлаб турди. Энди ажойиб фактга келсак, Эквадор термасининг ЖЧдаги охирги 5та голи айнан Валенсия ҳисобига ёзилган. Яъни Эннер 2014 йили Бразилияда ташкиллаштирилган мундиалда жамоасининг охирги 3та голини ўз номига расмийлаштирганди. Энди эса бунга бирданига 2та гол қўшиб қўйди. Ҳа, у Эквадор бош жамоасининг асосий етакчиси!
Яна бир томони шуки, Эннер 20 ноябрь оқшоми қатарликларга «тортиқ» этган аниқ зарбаларини 27 ёшида юрук хуружи туфайли ҳаётдан кўз юмган қадрдон дўсти Кристиан Бенитесга бағишлади.
