Евро-2024: 24 йил бадалига чиройли ғалаба!

«Алянц Арена»да ўтган баҳснинг 20-дақиқасида Коди Гакпо ҳисобни очган бўлса, 83-дақиқада айнан унинг узатмасидан кейин захирадан майдонга тушган Мален Нидерландиянинг иккинчи голига муаллифлик қилди. Қўшиб берилган дақиқаларда эса айнан Маленнинг ўзи ҳисобни йириклаштирди - 3:0.

Opta Sports хабарига кўра, бу Нидерландия учун 2000 йилдан буён илк муҳим натижа бўлиб, жамоа шу пайтгача Евро плей-офф ўйинида асосий вақтда ғалаба қозона олмаётган эди. Бу борадаги охирги ғалаба Евро-2000да Югославия терма жамоасига қарши ўйинда (6:1) содир бўлган. Ўз навбатида, Руминия термаси Евродаги 20 учрашувдан фақат иккитасида ғалаба қозонган, жамоанинг ғалабаси 10 фоизни ташкил этади. Бу эса Европа чемпионатида 10 ёки ундан ортиқ ўйин ўтказган жамоалар орасида энг ёмон ғалаба улуши ҳисобланади.

* Хави Симонс Европа чемпионатида Сеск Фабрегаснинг рекордини такрорлади. Нидерландиялик 21 ёшли ярим ҳимоячи Евро-2024 1|8 финал учрашувида иккита голли узатмани амалга оширди. Бу Евро плей-офф бос­қичи тарихидаги иккинчи натижадир. Бунгача 19 ёшли Фабрегас Евро-2008 ярим финалида Россияга қарши ўйинда (4:1) иккита голли узатмани амалга оширган.

* Дониэлл Мален Еврода захирадан майдонга тушгач, дубл қайд этган тўртинчи футболчи бўлди. Унгача германиялик Дитер Мюллер Евро-1976да, Оливер Бирхофф Евро-1996да ҳамда собиқ Югославиялик Саво Милошевич Евро-2000да шундай натижа қайд этган.

РУМИНИЯ - НИДЕРЛАНДИЯ - 0:3 (0:1)

2 июль. Мюнхен. «Альянц Арена» стадиони. 65012 томошабин.

Бош ҳакам: Феликс Цвайер (Германия).

Голлар: Гакпо (20), Мален (83, 90}3).

Руминия: Ницэ, Рациу, Буркэ, Дрэгушин, Могош (Раковитан, 38), Ҳаджи (Алибек, 72), Станчу (Олару, 88), Р.Марин, М.Марин (Чикилдэу, 72), Ман, Дрэгуш (Михэилэ, 72).

Нидерландия: Вербрюгген, Дюмфрис, де Врей, ван Дейк, Аке (ван де Вен, 69), Схаутен (Верман, 69), Рейндерс, Симонс, Бергвейн (Мален, 46), Гакпо (Вегхорст, 84), Депай (Блинд, 90}2).

Огоҳлантиришлар: М.Марин (67), Станчу (81) - Дюмфрис (77), Мален (90}4).

Ўйиннинг энг яхши футболчиси: Коди Гакпо (Нидерландия).