ЕВРО-2024 саралаши: Грузинлар буни эплашди...

Улардан бирида Грузия ўз майдонида Грецияни қабул қилиб, пенальтилар сериясида ғалаба қозонди ва Германияда ўтказиладиган қитъа чемпионатининг финал босқичига йўл олди. Грузия жамоасининг йирик футбол форумида пайдо бўлиши ушбу мамлакат миллий терма жамоаси тарихида мустақилликдан кейинги биринчи воқеа бўлди. Бунгача бу терма жамоа 7 марта ЖЧ, 7 марта Евро йўлланмани қўлга киритишга уринган, бироқ 1996 йилдан буён барча уринишлар муваффақиятсизликка учраган. Ниҳоят, 15-уриниш муваффақиятли бўлди. Эслатиб ўтамиз, Еврода грузинлар «F» гуруҳида Туркия, Чехия ва Португалия билан ўйнайди. Яна бир финал баҳсида Украина термаси Исландиядан дастлаб ҳисобда ортда бориб, иккинчи бўлимда ирода намойиш этди - 2:1. Уэльс - Польша баҳсида эса сўнгги иштирокчини пенлатилар сериясида аниқлашга тўғри келди ва унда польякларга омад кулиб боқди.

26 март

«А» ЙЎЛИ

УЭЛЬС - ПОЛЬША - 0:0

Пенальтилар бўйича - 4:5

Кардифф. 31876 томошабин.

Бош ҳакам: Даниэле Орсато (Италия).

Уэльс: Уорд, Робертс (Брукс, 84; Броудхед, 112), Дэвис, Родон, Мифем, Уильямс, Ампаду, Уилсон, Ж.Жеймс, Жонсон (Д.Жеймс, 70), Мур.

Польша: Шченсни, Давидович, Беднарек (Саламон, 80), Кивер, Франковски, Залевски, Зелиньски (Шиманьски, 101), Петровски (Романчук, 105), Слиш, Левандовски, Свидерски (Пентек, 80).

Четлатиш: Мифем (120+1).

«В» ЙЎЛИ

ГРУЗИЯ - ГРЕЦИЯ - 0:0

Пенальтилар бўйича - 4:2

Тбилиси. 44000 томошабин.

Бош ҳакам: Шимон Марчиняк (Польша).

Грузия: Мамардашвили, Какабадзе, Кашия, Кверквелия, Двали, Китейшвили (Квеквескири, 104), Кочорашвили, Чакветадзе (Давиташвили, 104), Кварацхелия (Квилитая, 109), Зивзивадзе (Микаутадзе, 74), Шенгелия (Цитаишвили, 86).

Греция: Влаходимос, Болдок (Рота, 60), Хацидьякос (Рецос, 106), Мавропанос, Цимикас, Бакасетас, Манталос (Бухалакис, 99), Курбелис (Сиопис, 67), Пелкас (Константелиас, 61), Масурас, Иоаннидис (Якумакис, 91).

Четлатиш: Лория (45+3, захирадан).

«C» ЙЎЛИ

УКРАИНА - ИСЛАНДИЯ - 2:1 (0:1)

Вроцлав (Польша). 25000 томошабин.

Бош ҳакам: Клеман Тюрпен (Франция).

Голлар: Циганков (54), Мудрик (84) - А.Гудмундссон (30).

Украина: Лунин, Конопля, Матвиенко, Забарний, Миколенко, Малиновский (Зинченко, 64), Судаков, Бражко, Мудрик, Циганков (Таловеров, 88), Яремчук (Довбик, 72).

Исландия: Вальдимарссон, Паульссон, Ингасон, Гретарссон, Тораринссон (Финнссон, 63), Харальдссон (Андерсон, 87), Й.Гудмундссон, Траустасон, А.Гудмундссон, Гудьонсен (Оускарссон, 64), Торстейнссон (Эллертссон, 87).