Фирмино «Барса»га ўтмоқчи

Бразилиялик футболчи жорий мавсумни «Ливерпуль»да якунлайди, шундан сўнг у эркин агентга айланади. Sport хабарига кўра, 31 ёшли футболчи аллақачон келажак учун клуб изламоқда ва яқинда «Барселона»га ўз хизматларини таклиф қилган. Аввалроқ матбуотда «кўк-анорранглилар» ҳужумчи билан шартнома имзолашга қизиқиш билдираётгани ҳақида хабарлар тарқалган эди. Роберто Фирминога «Ал-Наср», «Интер», «Ювентус» ва «Интернасьонал» ҳам қизиқиш билдирмоқда. Футболчи 2015 йилда «Ливерпуль»га келганидан бери 354 ўйинда 108та гол ва 79та голга ассистентлик қилган.