Фирмино «Ливерпул»дан текинга кетади

Инсайдер Фабрицио Романонинг ёзишича, бразилиялик ҳужумчи ёзда «Ливерпул»ни эркин агент сифатида тарк этади. Фирмино амалдаги келишувни узайтирмаслиги ҳақида клуб раҳбариятини хабардор қилган. У жамоани тарк этиши ҳақида якуний қарорни қабул қилган. Қайд этилишича, клуб футболчига 2025 йилга қадар белгиланган янги шартнома таклиф қилган, аммо Фирмино унга янги чақирув кераклигини маълум қилган. Аввалроқ, Роберто ва клуб келишувни яна икки йилга узайтириш масаласида музокара ўтказаётгани ҳақида хабар қилинган эди. Маълумот учун, бразилиялик 31 ёшли ҳужумчи жорий мавсум АПЛда 17 ўйинда 7та голга муаллифлик қилган.