ФУТБОЛ ВА МОЛИЯ: «Сити»ни бой қилган америкалик мухлислар

Уларнинг ўйинларининг умумий ўртача аудиторияси 36,9 миллион кишини ташкил этди! Таққослаш учун, иккинчи энг машҳур клуб «Манчестер Юнайтед» ҳисобланади (13,4 млн.). Масалан, «Сити» ва «Интер» ўртасидаги ЕЧЛ финалини 2 миллиондан ортиқ америкалик томоша қилган. Шундай қилиб, Манчестернинг кўк қисмидаги клубнинг Америкада тан олиниши шунчаки ҳайратланарли. Аммо «шаҳарликлар» бу муваффақият учун йиллар давомида ишладилар.

Ҳаммаси 2017 йилда, британияликлар АҚШга мавсумолди гастрол сафари учун биринчи марта келганларида бошланган ва ўшандан бери улар деярли ҳар йили ташриф буюрадиган стадионларда мунтазам равишда маҳаллий томошабинларни хурсанд қилишди. Аммо клубнинг маркетинг бўлими америкаликларнинг маданий муҳитига кириш зарурлигини аллақачон тушуниб етган. Пеп Гвардиоланинг машҳур «Тед Лассо» телесериалида камо ролида пайдо бўлиши орқали ушбу телекўрсатувнинг актёрлари ўтган йилнинг апрель ойида «шаҳарликлар»нинг «Арсенал»га қарши ҳал қилувчи ўйинида қатнашишига олиб келди. Шунинг учун у АҚШ томошабинларининг эътиборини жуда яхши тортди.

Бошқа тадбирлар ҳам бунга ўз ҳиссасини қўшди. «Сити» ўтган мавсумдаги ўз совринларини Нью-Йоркдаги «Эмпайр-стейт-билдинг» яқинида намойиш қилишди - суратга олиш учун навбат таъсирли эди. Клуб шунингдек, Америка спортининг муқаддас жойлари - бейсбол ҳудудига кирди. Аниқроғи, «Манчестер Сити»нинг маскотлари - Мунчестер ва Мунбим 2022 йилда бейсбол бўйича Олий лига ўйинида кичик шоу қилишди. АҚШдаги энг катта спорт томошабинлари айнан шу ерда жамланади.

Америкалик томошабинларнинг интилиши «шаҳарликлар»га нима беради? Албатта, фойда. Ахир, буни миллионлаб тўлов қобилиятига эга аудитория сотиб олади: ўйинларни томоша қилиш учун обуналар, клуб товарлари, АҚШдаги жамоанинг мавсумолди ўйинларига чипталар. Бунинг устига Америка халқи Нью-Йоркдаги «City Football Group» компаниясига қизиқиш билдиради ва клуб бунинг учун ҳам пул ишлайди. Бундан ташқари, улар барча ижтимоий тармоқларга обуна бўлиб, клубнинг реклама шартномалари нархини оширади. Шундай қилиб, «шаҳарликлар» - бу мавзуни ўз вақтида кўриб чиққан, ҳамма нарсани тўғри бажарган ва ҳозирда катта ютуқларга эришаётган ажо­йиб йигитлар армиясига эга!

Д.АЛИМОВ тайёрлади