Гинтер «Фрайбург»га қайтди

«Фрайбург» клуби расмий сайти 28 ёшли футболчи янги мавсум олдидан таркибга қўшилишини маълум қилган. Гинтер янги жамоасида 28-рақам остида тўп сурадиган бўлди. «Фаолиятимда нимадир янгилик қилмоқчи бўлдим ва ўзим учун қадрдон бўлган клубга қайтдим. Шартнома шартлари менга маъқул. «Фрайбург»да катта потенциал бор, бу жамоага қайтиш - ҳақиқий омад», - дейди Гинтер.

Маълумот учун, Гинтер 2017 йилдан буён «Боруссия»да тўп суриб келаётган эди. У фаолияти давомида «Фрайбург»да ҳам тўп суришга улгурган. Маттиас 2014 йил Германия миллий жамоаси сафида жаҳон чемпиони бўлган эди. У жорий мавсум Бундеслигада 27 ўйинда битта голга муаллифлик қилган.