Гласнер ўз лавозимида қолади

Фабрицио Романонинг хабар беришича, «бургутлар» раҳбарияти 49 ёшли мутахассисни мутлақо дахлсиз деб ҳисоблайди. Қайд этилишича, Гласнернинг ўзи ҳаммасидан мамнун ва ёзги трансфер ойнасини ҳозирдан режалаштирмоқда. Австриялик мутахассис 2024 йилнинг февралида «Кристал Пэлас»га келган эди. Гласнернинг клуб билан шартномаси 2026 йилнинг ёзига қадар тузилган. 37-турдан сўнг «Кристал Пэлас» 46 очко билан АПЛ турнир жадвалида 12-ўринни эгаллаб турибди.