Гонсалу Рамуш - «ПСЖ» футболчиси!

Клублар ниҳоят 22 ёшли футболчининг трансфери учун барча шартларни келишиб олишди. Фабрицио Романонинг сўзларига кўра, керакли ҳужжатларни тўлдиришгина қолган. Трансфер қиймати, кутилганидек, 80 миллион еврони ташкил қилади, шундан 15 миллиони бонуслардир. Португалиялик сотиб олиш мажбурияти билан парижликлар сафига ижарага қўшилади, шунинг учун француз гиганти молиявий фейр-плей билан боғлиқ муаммолардан қочади. Тиббий текширув кейинги ҳафтага режалаштирилган. Гонсалу Рамуш «Бенфика» сафида 106 ўйинда 41та гол урган ва 16та ассист қайд этган.