Грегг Берхалтер нима дейди?

Олдин маълум қилинганидек, Сречко Катанец шогирдлари 9 ва 12 сентябрь кунлари АҚШ ҳамда Мексика терма жамоаларига қарши ўртоқлик ўйинларида майдонга тушишади. АҚШ миллий жамоаси бош мураббийи Грегг Берхалтер Ўзбекистон термасига муносиб рақиб сифатида қарамоқда. «Келгуси 3 йил давомида турли рақиблар билан куч синашиш бўйича режага эгамиз. Бу борада алоҳида дастур бор. Мана, Ўзбекистон ва Уммон термалари билан илк бора тўқнаш келамиз. Ўйлашимча, Осиё кубогига жиддий тайёргарлик кўраётган ҳар икки жамоа АҚШ термаси учун яхши рақиб ролини бажара олади. Бўлажак ўйинларни интизорлик билан кутяпмиз ва мухлисларга кутилган натижа тақдим этишни истаймиз», - деди Грейг.

Дарвоқе, АҚШ - Ўзбекистон ўйинини гондураслик ФИФА рефериси Нельсон Сальгадо бошқариб боради. Унга қанотларда ҳамюрти Лимануэль Сола ва Жаиро Моралес (Пуэрто-Рико) ёрдам беришади. Захира ҳаками ҳам Гондурасдан - Мелвин Матаморос. Эслатма, мазкур учрашув Сент-Луис шаҳридаги «Сити Парк» стадионида бўлиб ўтади.