Гвардиола: “Бу фаолиятимдаги энг қийин чақирув”

Бу манчестерликларнинг сўнгги 12 та учрашувда 9-мағлубияти бўлди.

Жамоа бош мураббийи Хосеп Гвардиола мағлубиятга қуйидагича муносабат билдирди.

- Бугун биз ўтган мавсумдагидан яхшироқ ўйнадик. Лекин ҳозирги натижаларимиз умуман қониқарсиз. Бу ерда энг катта масала мен қўл остимдаги йигитлар билан вазиятни қандай яхшилай олишимда.

Ўз принципларимга содиқ қолишга, оддийроқ қарорлар қабул қилиш ва жамоанинг ўзига бўлган ишончини уйғотишга ҳаракат қиляпман.

Энди сафимизда бор футболчилар билан мураккаб вазифаларни бажаришимизга тўғри келади.

 Мен бу ерда ҳамма нарсани ютдим. Биз барчасини биргаликда ғалаба қозонганмиз. Аммо ҳозирги ҳолатимиз муаммо бўлиб қолмоқда.Тарих ўз номи билан тарих. Аммо ҳозирги қониқарсиз натижалардан келиб чиқсак, ҳозирги вазият – фаолиятимдаги энг қийин чақирув, - дейди испаниялик мураббий.