IFFHS Дон Карлони танлади

Италиялик мураббий 2022 йилда «Реал» билан ЕЧЛ ғолиби ва Ла Лига чемпионлигини қўлга киритди. Бу эса Анчелоттининг IFFHS томонидан фаолияти давомида 3-марта бу номга лойиқ кўрилишини таъминлади. Сўровнома якунларига биноан, иккинчи ўриндан Пеп Гвардиола жой олди. «Манчестер Сити» устози Англия чемпиони бўлди. Учинчи ўриндан Марокаш билан ЖЧ-2022 кашфиётига айланиб, 4-ўриндан жой олишига сабаб бўлган марокашлик Волид Реграги ўрин олди. Ушбу мураббий «Видад» клуби билан бирга Марокаш ва Африка чемпионлар лигаси ғолиблигини ҳам қўлга киритди. 4-ўриндан «Ливерпуль» устози Юрген Клопп жой олган. Немис мутахассиси «Ливерпуль» билан ЕЧЛ финалчисига айланганди.