Испания Примероси. 9-тур: «Эль-Класико» №250, яна «Реал»!

Карло Анчелотти шогирдлари «Сантьяго Бернабеу»да мутлақ хотиржам тўп суриб, «Барселона»ни 101-марта мағлубият домига тортишди. Каталония клуби ҳисобида 97та ғалаба бор. Айтиш жоиз, охирги 7та «Эль-класико»дан 6таси «Қироллик клуби»га аталди. Умуман, бугунги «Реал» шунчаки, даҳшат уйғотмоқда: жорий мавсум 14та ўйинда 12та ғалаба ва 2та дуранг қайд этди. Айтганча, «Барселона»нинг янги титул ҳомийси - Spotify «Эль-класико» олдидан клубга махсус форма тақдим этди. Хуллас, Хави шогирдлари «Сантьяго Бернабеу» майдонига стриминг хизматида 50 миллиард оқимни забт этган биринчи қўшиқчи, канадалик Дрейк томонидан яратилган OVO мусиқий альбоми логотипи туширилган футболкаларда тушишди ва ортга мағлуб ҳолда қайтишди. 

*** «Валенсия» ҳужумчиси Эдинсон Кавани 21-асрда Европанинг кучли 5та лигасидан 4тасида гол урган Жанубий америкалик 5-футболчи бўлди. 35 ёшли уругвайликдан олдин Алексис Санчес (Чили), Хамес Родригес (Колумбия), Филиппе Коутиньо (Бразилия) ва Анхель ди Мария (Аргентина) шундай натижага эришишганди. 

*** «Севилья» 6та ўйинга чўзилган ғалабасиз сериясига ниҳоят, чек қўйди.

*** Эрнесто Вальверде «Атлетик» бош мураббийи ролида 100-мағлубиятга юз тутди. У Бильбао клуби бошқарувида 100та ўйинда енгилган биринчи мураббийдир. 

*** Антуан Гризманн «Атлетико» учун Ла Лигада 100-голини уриб, клуб тархида бу маррага етган 6-футболчи бўлди. Эътиборлиси, ҳужумчи бунга қадар охирги 9та ўйин («Атлетико» клуби ва Франция термаси сафида)да гол завқини туймаганди. У охирги марта 7 сентябрь куни ЧЛда «Порту» дарвозасини нишонга олганди.

*** Карим Бензема («Реал») Ла Лигада 223-голини нишонлаб, турнир тўпурарлари рўйхатида Сесар Родригесдан ўзиб кетиб, 7-ўринга кўтарилди. Рекордчи Лионель Месси ҳисобида 472та гол бор. Бензема шунингдек, «Барса» дарвозасини 12-марта ишғол қилиб, «класико» тарихидаги тўпурарлар рейтингида 8-ўринда бораётган Сантильяна билан тенглашди. 

*** «Барселона»нинг Ла Лигада 7та ўйинлик ғалабали серияси узилди. Қолаверса, олдинги 8та учрашувда 1тагина гол қўйиб юборган жамоа «Сантьяго Бернабеу»да ўз дарвозасидан 3 марта тўп олиб чиқди. 

*** «Барселона» дарвозабони Марк-Андре тер Штегеннинг Ла Лигадаги «қуруқ» серияси 636 дақиқа давом этди (7та ўйин). Германиялик кипер чемпионатда охирги марта 21 август куни «Реал Сосьедад» билан ўйин (2-тур)да гол қабул қилганди.

14 октябрь

РАЙО ВАЛЬЕКАНО - ХЕТАФЕ - 0:0

Мадрид. 13706 томошабин.

Фойдаланилмаган пенальти: Трехо (53, Р.).

15 октябрь

ЖИРОНА - КАДИС - 1:1 (0:0)

Жирона. 9927 томошабин.

Голлар: Стуани (90+12-пен.) - Алекс Фернандес (46). 

ВАЛЕНСИЯ - ЭЛЬЧЕ - 2:2 (2:1)

Валенсия. 41805 томошабин.

Голлар: Кавани (41-пен., 45) - Милья (29-пен., 65). 

Валенсия: Мамардашвили, Тьерри Коррейя, Габриэль Паулиста, Жемерт, Гайя (Хесус Васкес, 87), Альмейда (Тони Лато, 80), Нико Гонсалес, Муса (Мориба, 75), Кавани (Дуро, 46), Клюйверт (Франсиско Перес, 87), Лино.

МАЛЬОРКА - СЕВИЛЬЯ - 0:1 (0:0)

Мальорка. 15300 томошабин.

Гол: Гудель (53).

Мальорка: Райкович, Маффео, Раильо, Вальент, Копете (Батталья, 79), Куфре, Санчес (Лаго Жуниор, 67), Ли Кан Ин (Ндиайе, 67), Руис де Галаррета, Баба (Дани Родригес, 57), Пратс (Анхель Родригес, 57).

Севилья: Буну, Навас (Кармона, 46), Маркао Тейшейра, Монтьель, Ньянзу, Теллес (Акунья, 67), Ракитич, Гудель, Иско (Гомес, 67), Оливер Торрес (Сусо, 84), Ламела (ал Носири, 79). 

АТЛЕТИК - АТЛЕТИКО - 0:1 (0:0)

Бильбао. 48391 томошабин.

Гол: Гризманн (47). 

Атлетико: Облак (Грбич, 69), Молина, Савич, Хименес, Рейнилду, де Пауль (Корреа, 69), Лемар (Жоау Фелиш, 82), Коке (Витцель, 82), Кондогбиа, Гризманн, Мората (Сауль, 69).

16 октябрь

СЕЛЬТА - РЕАЛ СОСЬЕДАД - 1:2 (1:1) 

Виго. 13101 томошабин.

Голлар: Аспас (39) - Ильярраменди (30), Субельдия (54). 

Сельта: Марчесин, Мальо (Мингеса, 65), Нуньес, Айду, Галан, Серви (Пасиенсия, 79), Оскар Родригес, Бельтран, Вейга (Карлес Перес, 65), Аспас, Ларсен. 

Реал Сосьедад: Ремиро, Горосабель (Элустондо, 68), Ле Норман, Субельдия, Муньос (Рико, 28), Мендес, Сильва (Наварро, 75), Ильярраменди (Мерино, 46), Субименди, Кубо (Барренечеа, 75), Сёрлот. 

Четлатиш: Пасиенсия (90, С.).

РЕАЛ - БАРСЕЛОНА - 3:1 (2:0) 

Мадрид. 62876 томошабин.

Голлар: Бензема (12), Вальверде (35), Родриго (90+1-пен.) - Ферран Торрес (83). 

Реал: Лунин, Карвахаль (Рюдигер, 88), Алаба, Милитао, Менди, Модрич (Камавинга, 78), Кроос, Тчуамени, Вальверде, Бензема (Асенсио, 88), Винисиус Жуниор (Родриго, 85). 

Барселона: тер Штеген, Сержи Роберто, Кунде, Эрик Гарсия, Бальде (Альба, 60), Бускетс (Гави, 60), де Йонг, Педри (Кессие, 83), Левандовски, Дембеле (Фати, 73), Рафинья (Ферран Торрес, 60). 

ЭСПАНЬОЛ - ВАЛЬЯДОЛИД - 1:0 (0:0) 

Барселона. 17770 томошабин.

Гол: Хоселу (78). 

Эспаньол: Лякомт, Хиль, Кабрера, Калеро, Оливан, Алейш Видаль (Ласо, 71), Дардер, Экспосито (Баре, 71), Винисиус Коста, Хоселу, Пуадо (Меламед, 89). 

Вальядолид: Масип, Эскудеро, Феддаль (Хоакин Фернандес, 46), Санчес, Оласа, Меса (Агуадо, 80), Мончу, Кике Перес (Гвардиола, 80), Санчес (Нарваэс, 62), Леон (Вейсман, 61), Плано. 

БЕТИС - АЛЬМЕРИЯ - 3:1 (1:0) 

Севилья. 46112 томошабин.

Голлар: Вильям Карвалью (23, 71), Иглесиас (66) - Туре (52).

Бетис: Руй Сильва, Сабали, Руис, Луис Фелипе, Морено, Каналес (Гуардадо, 74), Вильям Карвалью (Руибаль, 85), Родригес, Родри (Хуан Крус, 63), Иглесиас (Виллиан Жозе, 85), Луис Энрике (Хоакин, 63). 

Ўйиндан кейинги фикрлар:

Карло Анчелотти («Реал» бош мураббийи): - Бугун ҳамма борини бериши керак эди ва айнан шундай қилдик - ўйинни яхши бошладик, тезкор гол урдик, иккинчи бўлимда ҳолатни назорат остига олдик. Милитаодан Левандовскига босим ўтказиш талаб этиларди, Кроос ва Тчуамени ҳаракатлари билан эса чизиқлар ўртасидаги футболчиларни «ёпдик». Модричнинг ярим ҳимояда рақибларга қарши қойилмақом ўйнаганини ҳам алоҳида таъкидлашим жоиз.

Хави («Барселона» бош мураббийи): - Шундай таассурот борки, ҳаммаси биз учун кутганимиздек тус олмади. Яъни қандайдир негатив динамика бордек. Охиригача курашяпмиз, бироқ футбол шунақа... Ҳафта ўртасида омадимиз юришмаганди, бугун ҳам шундай бўлди. «Реал» жарима майдонига тез-тез ёриб кирдик, аммо рақиб яхши ҳимояланди. Бир қарашда, ҳаммаси бизга қарши ишлаётгандек. Қаранг, Фати ҳисобни 2:2га айлантириши мумкин эди, бунинг ўрнига «Реал» пенальти тепиш ҳуқуқини ишлади. Ҳа, омад чопмаса, қийин. Тан оламан, бу энг яхши ўйинимиз эмас, лекин шунда ҳам майдонда устунликка эришдик, вазиятлар яратдик ва «Реал»ни майдоннинг ўзига тегишли ярмида кўпроқ бўлишга мажбурладик.

Тўпурарлар:

Левандовски (Барселона) - 9та

Иглесиас (Бетис) - 7та

Хоселу (Эспаньол) - 7та...

10-ТУР

18 октябрь (сешанба)

22:00   Севилья - Валенсия

23:00   Хетафе - Атлетик

23:55   Атлетико - Райо Вальекано

19 октябрь (чоршанба)

22:00   Вальядолид - Сельта

22:00   Кадис - Бетис

23:00   Реал Сосьедад - Мальорка

23:55   Эльче - Реал

20 октябрь (пайшанба)

22:00   Альмерия - Жирона

23:00   Осасуна - Эспаньол

23:55   Барселона - Вильярреал