Шукуров ҳам сафдан чиқди
Ўзбекистон миллий жамоасининг етакчи футболчилари — Элдор Шомуродов ва Отабек Шукуров ЖЧ-2026 саралаши 5-тури доирасидаги Қатар (2:3) билан ўйинда жароҳат олишди.
Хабарларда айтилишича, Шомуродов КХДРга қарши учрашувда терма жамоамизга ёрдам бера олмайди ва у жамоа билан бирга Лаосга учмайди. Шунингдек, кечаги ўйиндан сўнг бош мураббий Сречко Катанец ҳам соғлигидан шикоят қилиб Лаосга уча олмаслигини билдирган. Бироқ, ЎФА вице президенти Равшан Эрматов Катанецга Лаосга бориши шартлигини айтган. Бу ҳақда айни дамда терма жамоа вакиллари атрофида бўлиб турган манба хабар тарқатди.
Шунингдек, мистер Катанецнинг терма жамоамиздаги келажаги Шимолий Кореяга қарши баҳс натижасига боғлиқлиги айтилмоқда.
Воқеалар ривожини кузатишда давом этамиз. Агарда мавзуга доир яна қўшимча маълумотларга эга бўлсак бу ҳақда сиз азизларга хабар етказамиз.
