Кейн 33-стадионни забт этди!...

Ҳужумчи Англия чемпионатининг 21-туридан ўрин олган учрашувда «Фулхэм» дарвозасига киритилган (1:0) ягона гол муаллифига айланди. «Крейвен Коттеж» Кейн учун Премьер-лигада гол урган 33-стадион бўлди, бу лига тарихидаги учинчи кўрсаткичдир. Рекорд Энди Коулга (37та стадион) тегишли. Фрэнк Лэмпард ва Уэйн Руни эса 34тадан стадионда гол уришган.

Шунингдек, ҳужумчи шу куни «шпорлар» сафида АПЛдаги юбилей - 300-ўйинини ўтказди. Ягона голи билан эса Жимми Гривзнинг «Тоттенхэм» учун барча мусобақаларда гол уриш бўйича рекордини такрорлади (266та гол).