«Келинглар, сукунатни бузамиз!»

«Қизиллар» АПЛнинг янги мавсумини анча оғир бошлашди («Фулхэм» билан ўйинда 2:2), лекин бунга қадар амалдаги чемпион - «Манчестер Сити» билан олишувда устун келиб, яна бир «қора анъана»ми ёки сукунатга барҳам беришди.

Гап шундаки, «Ливерпуль» 16 йилдан буён Англия суперкубогига қўл узатолмаётганди. Мана, жамоада немисча тартибни ўрнатган Юрген Клопп ушбу омадсиз серияга ҳам нуқта босди. Умуман, германиялик мутахассис «Ливерпуль» тепасига айнан ёқимсиз анъаналарга чек қўйиш учун келгандек. Ҳар ҳолда, «қизиллар» ҳозирга қадар унинг раҳнамолигида 6та турнирдаги натижасиз уринишларга якун ясашди. «Келинглар, сукунатни бузамиз!» - Клоппнинг хитоби шу. 

«Ливерпуль» Юрген Клопп билан ғалаба қозонди:

**      АПЛда 30 йиллик танаффусдан сўнг

**      Англия суперкубоги учун ўйинда 16 йиллик танаффусдан сўнг

**      Англия кубогида 16 йиллик танаффусдан сўнг

**      Европа ЧЛда 16 йиллик танаффусдан сўнг

**      Европа суперкубоги учун ўйинда 14 йиллик танаффусдан сўнг

**      Англия Лига кубогида 10 йиллик танаффусдан сўнг

**      Клублар ўртасидаги ЖЧда илк марта