Контени Луис Энрике алмаштирадими?...

The Athletic хабарига кўра, клуб бошқарув кенгаши раиси Дэниэл Леви жамоа спорт директори Фабио Паратичидан номзод мураббийлар рўйхатини тузишни сўраган. Қайд этилишича, ёзда Лондон клубини бошқаришга номзод мураббийлар орасида асосий даъвогар Луис Энрике бўлади. Паратичи Испания миллий жамоаси собиқ бош мураббийи фаолиятини юқори баҳолайди. Шунингдек, шорт-листдан Оливер Гласнер («Айнтрахт»), Рубен Аморим («Спортинг») ва Лучано Спаллетти («Наполи») сингари мураббийлар жой олади. Қайд этилишича, «Тоттенхэм» ўйинчилари жамоанинг собиқ устози Маурисио Почеттино қайтишини истаса-да, раҳбарият аргентиналик мураббийни ортга қайтаришни режалаштирмаган.