Куадрадо ҳам «Ал-Наср» нишонида

35 ёшли футболчининг хизматларига «Ал-Наср» қизиқиш билдирмоқда, деб хабар беради Calciomercato. Хабарга кўра, Кударадо асосий таркибдаги муҳим футболчи мақомини йўқотган «Ювентус»ни тарк этишга тайёр. Колумбиялик футболчига шунингдек, «Милан» ҳам қизиқиш билдирмоқда. Эслатиб ўтамиз, мавсум бошланишидан олдин Куадрадонинг шартномаси автоматик равишда 2022/2023 йилги мавсум охиригача узайтирилганди. Куадрадо «Ювентус»да 2015 йилдан буён тўп суради. Ўшандан бери ярим ҳимоячи барча мусобақаларда 287 ўйинда майдонга тушиб, 24та гол урди ва 65та голли узатмани амалга оширди. Жорий мавсумда «Ювентус» «А» сериянинг 17 учрашувида 37 очко жамғарган ва турнир жадвалида иккинчи ўринда бормоқда.