ЛеваГол «Барса» билан келишувга эришди

Инсайдер ва журналист Никола Скиранинг ёзишича, 33 ёшли польшалик форвард Каталония клуб билан 3 йиллик шартнома бўйича келишувга эришган. Унга кўра, Левандовски Мюнхен клубини тарк этган тақдирда «Барселона» билан 2025 йилга қадар шартнома имзолайди. Қайд этилишича, «Барселона» энди Мюнхен клуби билан келишувга эришмоқчи. Аввалроқ, «Бавария» раҳбарияти томонидан Левандовскининг амалдаги шартномаси 2023 йилга қадар имзолангани ва Роберт келаси мавсумда ҳам жамоада қолиши ҳақида айтилган эди. Goal нашри эса Левандовски учун «Челси» клуби ҳам трансфер курашига қўшилгани, Лондон клуби 33 ёшли голеадор учун трансфер пули тўлашга тайёрлиги ҳақида хабар қилинганди.