«Лион»да барча трансферга қўйилди

L’Equipe нашри берган маълумотга кўра, клуб жиддий муаммоларга учраган ва молиявий фейр-плей қоидаларини бузмаслик учун шундай қарор чиқарилди. Клуб қоидаларни бузмаслик ва маош пулларини камайтириш учун ушбу трансферлар ойнаси якунига қадар маълум миқдорда пул жамғариши керак бўлмоқда. Гап энг камида 100 млн. евро ҳақида кетяпти. Жамоадаги футболчиларнинг умумий нархи эса 261 млн. еврога баҳоланган. Агар жамоа ушбу талабларни бажармаса камида очко олиб ташланади ёкида Лига 2 мусобақасигача тушириб юборилиши мумкин. Эслатиб ўтамиз, аввалроқ молиявий қийинчиликлар сабабли Франциянинг яна бир машҳур клуби «Бордо» профессионал мақомидан айрилганди.