«Ливерпуль» «Наполи» етакчиларига харидор

Манбага кўра, ҳар икки футболчининг хариди инглиз клубига камида 200 миллион еврога тушади. «Қизиллар» иккала трансферни ҳам 2023 йилнинг ёзида ташкил этишни режалаштиришган. «Ливерпуль» раҳбарияти футболчиларга қойил қолишади. Жорий мавсумда «Наполи» Италия чемпионати турнир жадвалида пешқадамлик қилмоқда. Шунингдек улар ЕЧЛ «А» гуруҳида 1-ўринда плей-офф босқичига йўлланма олди. «Ливерпуль» худди шу гуруҳда 2-ўринни эгаллади.

Неаполликлар сафида 17 учрашувда Кварацхелия 8та гол урди ва 10та голли узатмани амалга оширди. 23 ёшли Осимхен, ўз навбатида, Италия чемпионатининг энг яхши тўпурари бўлиб, барча мусобақаларда 14 учрашувда 10та гол урди. Transfermarkt хабарига кўра, Осимхеннинг трансфер нархи 70 миллион евро, Кварацхелиянинг нархи эса 60 миллион евро.