«Мадрид» кутишга қарор қилди

Marca хабарига кўра, Мадрид клуби раҳбарияти Мбаппе масаласи бўйича сўнгги қарорни қабул қилишди: улар франциялик футболчини эркин агент сифатида келаси йил клубга олиб келишмоқчи. Олдинроқ Мбаппе келаси ёзда тугайдиган «ПСЖ» билан шартномасини узайтиришдан бош тортгани ҳақида хабар берилганди. 2022/2023 йилги мавсумда Килиан «ПСЖ» сафида Франция чемпионатида 34та ўйин ўтказиб, 29та гол урди ва 5та голли узатмани амалга оширди. Transfermarkt томонидан футболчининг трансфер қиймати 180 миллион еврога баҳоланган.