«Манчестер Юнайтед» ва «Манчестер Сити» клублари «Брайтон» ярим ҳимоячиси Алексис Мак Аллистерни ёзда ўз сафига қўшиб олиш учун трансфер курашини бошлади.
Goal хабарига кўра, «Сити» ва «Юнайтед» клублари кейинги мавсум ярим ҳимоя чизиғини аргентиналик футболчи билан кучайтиришни мақсад қилган. Қайд этилишича, Алексиснинг «Брайтон» билан амалдаги келишуви 2025 йилга қадар имзоланган бўлса-да, клуб ёзда футболчисини 60 миллион фунтга сотишга тайёр. Мак Аллистер ҳам топ-клуб сафига ўтишни истамоқда. Аввалроқ, аргентиналик жаҳон чемпионатига «Челси» ва «Ливерпуль» қизиқиш билдираётгани ҳақида хабар қилинган эди. Футболчининг ЖЧ-2022дан аввалги трансфер нархи 27-35 млн. фунт атрофида бўлса, ҳозирга келиб икки бараварга ошган, дея баҳоланмоқда. Маълумот учун, Мак Аллистер жорий мавсум АПЛда 20 ўйинда 6та гол ва битта ассистга муаллифлик қилган. У декабрь ойида Қатарда Аргентина миллий жамоаси билан жаҳон чемпионига айланган эди.
