Месси «ПСЖ»дан тобора узоқлашмоқда...

By Пўлатов Мухаммадхон 17 Mar, 2023 5 дақиқа ўқиш 489 Кўрилди

0 comments 0 likes

«ПСЖ» ҳали Лионель Месси билан янги шартнома борасида келишувга эриша олмади.

Аргентиналик ҳужумчининг амалдаги шартномаси 2023 йилнинг ёзида якунига етади. Маrca хабарига кўра, январ ойидан бошлаб битимни узайтириш бўйича музокаралардаги вазият ўзгарган. Ҳозир томонлар келишувдан йироқ. ЖЧ-2022 олдидан парижликларнинг Месси билан музокаралари оддий бўлиши кутилганди, аммо турнирдан кейин вазият ўзгарди. Аргентина билан 2022 йилги мундиалда ғалаба қозонганидан сўнг Леонинг маош бўйича талаблари ошди. Ҳужумчининг отаси ва агенти Хорхе Месси «ПСЖ» раҳбарлари, жумладан, спорт маслаҳатчиси Луиш Кампуш билан учрашган, бироқ томонлар келишувга эриша олишмаган. Тез орада улар яна бир учрашув ўтказишади. 35 ёшли ҳужумчи бу мавсумда «ПСЖ» сафида барча турнирларда 31 ўйинда майдонга тушиб, 18та гол ва 17та ассистни ўз ҳисобига ёздириб қўйди.