Клубнинг Леодан қарзи бор.
«Барселона» ҳалигача ПСЖ ҳужумчиси Лионель Мессини қайтаришга қарор қилди.
Каталония клуби раҳбарияти 35 ёшли аргентиналик футболчининг қайтишини муҳокама қилмоқда, бироқ трансфер эҳтимоли паст, деб хабар берди ESPN.
Манбага кўра, сабаблардан бири «Барселона»нинг Месси олдида пандемия давридан қолган маоши борасида қарзи борлигидир.
Катта эҳтимол билан мавсум якунида ҳужумчи ПСЖ билан шартномани бир йилга узайтириш вариантини фаоллаштиради. Месси 2021 йилнинг ёзида парижликлар билан «2+1» схемаси бўйича битим имзолаган эди.
