Модрич «Реал»да қолади

Инсайдер Фабрицио Романонинг ёзишича, «Реал» клуби раҳбарияти Испания кубоги финалида «Осасуна» устидан қозонилган ғалабадан (2:1) кейин Лука Модрич билан келишувни яна бир йилга узайтиришга қарор қилган. 37 ёшли хорватиялик футболчига бу ҳақда маълум қилинган. Қайд этилишича, Модрич «Реал»да қолиш учун Саудия Арабистонидан тушган таклифни рад этган. Аввалроқ, Лука Мадрид клуби унга келишувни узайтириш таклифини бермаётганидан ташвишланаётгани ҳақида хабар қилинганди. Маълумот учун, Модрич 2012 йилдан буён «Реал» шарафини ҳимоя қилиб келмоқда. У жорий мавсум Ла Лигада 28 ўйинда 4та гол ва 3та ассистга муаллифлик қилган.