Филемон Мулала ўз итлари қурбони бўлди

60 ёшли Мулаланинг жасади 7 январь куни Лихтенбургдаги (ЖАР) ҳовлисининг боғидан топилган. Унинг турмуш ўртоғи Филемонни жонсиз ҳолатда кўрганидан кейин тез ёрдамга қўнғироқ қилган, шифокорлар Мулала воқеа жойида вафот этганини қайд этган. Полиция маълумотларига кўра, Мулала ўз итларининг етказган жароҳати оқибати вафот этган. Жониворлар махсус муассасаларга юборилган. Аёл дастлаб итларнинг ҳуришига эътибор қаратмаган, сабаби уларнинг уйи гавжум кўчада жойлашган бўлиб, итларнинг овоз чиқариши одатий ҳолга айланган. Қайд этилишича, итлар тажовузкор зотга мансуб бўлган - питбултерер ва стаффордшир терер. Маълумот учун, Мулала Замбия терма жамоаси сафида 6та ўйин ўтказган ва 3та голга муаллиф бўлган. У ўз мамлакати ва ЖАР клубларида фаолият олиб борган.