«МЮ» катта трансферларга тайёрланмоқда

Sport.es нашрининг тарқатган маълумотга қараганда, «манкунианликлар» ёзда иккита юқори даражадаги харидни режалаштирган. «Барселона» ярим ҳимоячиси Френки де Йонг «қизил иблислар» нишонида турибди. Клубнинг бошқа мақсади ҳозирча ошкор этилмади, лекин катта эҳтимол билан у ҳужум марказидаги футболчи бўлади. Чунки, олдинроқ «Наполи» ҳужумчиси Виктор Осимхенга қизиқиш билдирилгани ҳақида хабар берилганди. Ўтган дам олиш кунлари «Юнайтед» узоқ вақтдан бери биринчи марта кубокни қўлга киритди. Жамоа финал учрашувида «Ньюкасл»ни 2:0 ҳисобида мағлуб этиб, Англия Лига кубогини қўлга киритди.