"Навбаҳор" "2 миллиардлик" Аброр Исмоилов билан ҳам 2 йиллик шартнома имзолади

Айниқса, ўтган мавсумда жамоани Самвел Бабаян қабул қилиб олгандан сўнг трансферлар бобида ҳеч қандай "чегара" қолмаётир. Клуб расмий сайти хабарига кўра, жамоа бугун Ўзбекистон миллий жамоаси аъзоси Аброр Исмоилов билан 2 йиллик шартнома имзолаган.  

Куни кеча, "Лочинлар" Фаррух Икромов (Бунёдкоор) ва Шаҳбоз Жўрабеков(Сўғдиёна)лар ҳам  2 йиллик битимларга имзолар қўйилган эди.

Маълумот ўрнида, Аброр Исмоилов 1998 йил 8 январда Фарғона вилоятининг Ёзёвон туманида туғилган. Футболчилик фаолиятини 2016 йили «Нефтчи» клубида бошлаб, 2018 йил якунига қадар фарғоналиклар сафида тўп тепди. Яримҳимоячи 2019 йили «Сурхон» (Термиз), 2020-2021 йилларда эса «Пахтакор» (Тошкент)да ўйнади. Якунланган мавсумни эса «Нефтчи»да ўтказиб, фарғоналиклар таркибида Суперлига ва Ўзбекистон кубоги баҳсларида жами 25 ўйинда, 5 голга муаллифлик қилган.

Айтганча, Исмоиловнинг агенти россиялик Қаҳҳор Мўминов саналади. У Элдор Шомуродов, Иброҳимхалил Йўлдошев ва Ҳожимат Эркиновнинг ҳам агенти саналади. Олдинроқ, «Навбаҳор» фарғоналик футболчига йиллик 2 миллиард сўм маош таклиф қилгани ҳақида "миш-миш"лар тарқалганди.