Неймар галдаги мундиалда қатнашмоқчи

13 Dec, 2024 3 дақиқа ўқиш 51 Кўрилди

0 comments 0 likes

Саудия Арабистонининг "Ал Ҳилол" ва Бразилия терма жамоаси ҳужумчиси Неймар 2026 йил АҚШ, Мексика ва Канадада бўлиб ўтадиган футбол бўйича Жаҳон чемпионатида иштирок этиш ниятида эканлигини айтди.

"Жаҳон чемпионати – ҳар бир футболчи учун мақсад. Мен аллақачон учта турнирда ўйнаганман ва, албатта, тўртинчисида ўйнашни хоҳлайман. Биз тайёргарликка эътибор қаратишимиз, ўз устимизда ишлашимиз керак. Олдимда турган асосий мақсад – қайтганимдан кейин тезроқ формага кириш", – деди Неймар.

Эслатиб ўтамиз, Неймар "Ал Ҳилол"га 2023 йилнинг августида ўтган ва унинг клуб билан шартномаси 2025 йилнинг ёзига қадар амал қилади. Transfermarkt маълумотларига кўра, футболчининг нархи 30 млн еврони ташкил этади.