Неймар плей-оффгача ўйнамайди

Журналист ва инсайдер Дани Гилнинг ёзишича, Сербия билан ўйинда олган жароҳати сабабли Неймар Швейцарияга қарши 2-тур ўйинини ўтказиб юборади. Шунингдек, 3-тур доирасидаги Камерунга қарши баҳсда ҳам бош мураббий Тите Неймарни майдонга тушириб, таваккалга қўл урмоқчи эмас. Қайд этилишича, 30 ёшли форвард плей-офф ўйинларидан олдин жароҳатидан тўлиқ тикланади. Эслатиб ўтамиз, Неймар Сербияга қарши ўйиннинг (2:0) 68-дақиқасида сербиялик ҳимоячи Никола Миленкович билан тўқнашувдан кейин жароҳат олди – унинг ўнг оёқ тўпиғига шикаст етган. Неймар Антонига алмаштирилгач, у захира ўриндиғида кўз ёшларини тия олмаганди. Маълумот учун, кейинги икки ўйин 28 ноябрь ва 2 декабрь куни ўтказилади.