Ноодатий плакат: «Мени танидингизми?»

«МЮ» фанатлари клубнинг 3 нафар янги футболчиси муаммосиз ўйнаётганини учун шу хонимдан миннатдор бўлишлари керак. Зеро, бу мухлиса уларнинг Англияда ишлаш визасини олишларига озми-кўп ҳисса қўшган.

ЕЛ 1|8 финалидан ўрин олган «МЮ» - «Бетис» ўйини (4:1) вақти «Олд Траффорд» стадиони трибуналаридан бирида ноодатий плакат кўтариб олган мухлиса эътиборни ўзига тортди. Унинг ёзуви маъноси: «Мени танидингизми...? Сизларга виза расмийлаштириб бергандим. Мартинес, Каземиро, Антони». Катта эҳтимолки, хоним бунда Англия­да ишлаш ҳуқуқини берувчи ҳужжатларни назарда тутган бўлса керак. 

Ҳозирча Антони трансфери масаласида қандайдир саволлар бўлса, Мартинес ва Каземиро чиндан ҳам, «қизил иблислар» сафида дарҳол эффектли ўйнай бошлашдики, мухлислар ушбу аёлга «қўшган ҳиссаси» учун алоҳида миннатдорчилик билдиришса арзийди.