ОЧЛ 1|8 финалида Сау­дия иккинчи дивизиони клуби ҳам қатнашади?!

Бироқ асосий савол шуки, чемпионлик пойгаси якунини «Ҳилол» ғалабаси дейиш керакми ёки «Иттиҳод» мағлубияти? Гап шундаки, чемпионат финишига 5та тур қолган паллада «Ҳилол» асосий рақибидан 8 очко ортда қолаётганди. «Ҳилол» қолган 5та ўйинда ҳам ғалаба қозонган бўлса, «Иттиҳод» уларда атиги 5 очко ишлади... Дарвоқе, «Ал-Ҳилол» чемпионликни «Ал-Файсали» устидан қозонилган ғалабадан кейин расмийлаштирди. «Файсали» эса шу мағлубиятдан сўнг иккинчи дивизионга тушиб кетди. Эслатиш керак, гап 2 ойча олдин ЧЛ гуруҳ босқичида «Насаф» ва «Ал-Садд»ни ортда қолдириб, 1-ўринни эгаллаган жамоа ҳақида кетяпти. Шундай экан, «Ал-Файсали» Эроннинг «Фулад»га қарши кечадиган 1|8 финал ўйинини Сау­дия иккинчи дивизиони клуби мақомида ўтказади.
Маълумот учун, С.Арабиятонининг Ҳарма шаҳри жамоаси ҳисобланган ушбу клуб 1954 йилда ташкил топган.