ОЧЛ: "Пахтакор" 12 млн, "Насаф" эса 3,28 млн. доллар маблағ ишлаб олиши мумкин

Бунинг учун жамоа мусобақада ғолиб чиқиши лозим.  «Пахтакор» Лига босқичидаги иштирок орқали 800 минг АҚШ доллари ишлайди. Уни 1 миллион долларга айлантириш учун шерлар 12 та жамоа иштирок этадиган гуруҳни ҳеч бўлмаганда 8-ўринда якунлаши кифоя. Қолганини эса ўзингиз ҳисоб-китоб қилишингиз мумкин. 
Қайд этиш жоиз, ОФК мусобақанинг мукофот жамғармасини деярли уч баробар оширган.

Хабарингиз бор, Кубок эгаси Қаршининг «Насаф» клуби эса қитъа миқёсидаги янги мавсумда ОФК Чемпионлар лигаси-2 турнирида иштирок этади. "Аждарлар" ОФК Чемпионлар лигаси-2 мусобақасида иштирок этиб, турнирда ғолиб чиқса, 3 280 000 АҚШ долларига эга бўлади. 
Жамоага гуруҳ босқичидаги иштирок 300 минг доллар тақдим этади. Ҳар бир босқичдаги муваффақиятли иштирок орқали жамоа ҳисобини тўлдириб боради.