Онана Камерун термасидан кетди

26 ёшли посбон африкаликлар билан ЖЧ-2022га борган, бироқ бор-йўғи 1та ўйин ўтказгандан сўнг миллий жамоани тарк этганди. Аввалроқ Онана жамоадан бош мураббий Ригобер Сонг билан тактика борасидаги келишмовчиликдан сўнг кетгани ҳақида хабар берилганди. «Ҳаммаси менинг кичик қишлоғимда бошланди, у ерда оилам мени болалигимдан Камерун халқини ажратиб турадиган қадриятларга мувофиқ тарбиялаган. Ватанга муҳаббат абадий эканини англадим, унга садоқатим мунозара талаб қилмайди. Бутун оиламиз Камерун ўйинларини қандай томоша қилганини эслайман. Ва фақат камерунликлар жиловланмас шерлар» ўйинини томоша қилиш нимани англатишини тушуниши мумкин. Ўшандан бошлаб мен бир кун келиб миллий жамоа либосини кийишни орзу қила бошладим. Ҳозир эса чексиз соатлаб машғулотлар, саёҳатлар ва машаққатли матонатлардан сўнг фахр билан айтишим мумкинки, ўз катта орзуйимни амалга оширдим. Ҳар бир ҳикоя, қанчалик гўзал бўлмасин, охири бор. Камерун миллий жамоаси билан бўлган ҳикоям якунига етди. Ўйинчилар келади ва кетади, аммо Камерун ҳар қандай одам ёки ўйинчидан муҳимроқдир. Камерун абадийдир, миллий жамоамизга ва бизни қўллаб-қувватлаган мухлисларимизга бўлган муҳаббатим қанчалик қийин бўлмасин. Ҳис-туйғуларим ҳеч қачон ўзгармайди. Камерунлик юрагим қаерга борсам ҳам уради. Ҳар доим Камерунни улуғлаш учун курашаман. Мен ҳам худди 27 миллиондан ортиқ мухлис қаторида жамоани қўллаб-қувватлайман», - деб ёзади дарвозабон ижтимоий  тармоқлардаги саҳифасида. Онана Камерун миллий жамоасида 34та ўйин ўтказган.