Осимхен кечирим сўради...

Маълумотларга қараганда, воқеа неаполликларнинг «Болонья» қарши ўтказилган учрашувида содир бўлган. Ҳисоб очилмаган ўйинда нигериялик ҳужумчи 73-дақиқада пенальтидан гол ура олмади. Бош мураббий Руди Гарсия 86-дақиқада Осимхенни захирага олиб, Жованни Симеонени майдонга туширди. Бу ўзгартириш Викторга ёқмади ва у Гарсия билан даҳанаки жангга киришиб кетди. Il Mattino нашрининг ёзишича, Виктор Осимхеннинг қилиғи клуб раҳбариятига ёқмаган. La Gazette Dello Sport хабарига кўра эса, нигериялик футболчи ўз қилмиши учун икки марта узр сўраган. Биринчи марта финал ҳуштаги чалинганидан кейин кийиниш хонасида, иккинчи марта эса кеча клуб базасида машғулот вақтида.