«Ан-Наср» Навас билан музокара бошлади

Marca хабарига кўра, Ар-Риёд клуби раҳбарияти бир неча кун олдин жиддий жароҳат сабабли сафдан чиққан жамоа дарвозабони Давид Оспина ўрнига «ПСЖ» аъзоси Кейлор Навасга таклиф билан чиққан. Қайд этилишича, томонлар ушбу ҳафтада - Навас «ПСЖ» билан Саудия Арабистонига ташриф буюрганда келишувга эришмоқчи. Париж клуби 19 январь куни «Ал-Наср» ва «Ал-Ҳилол» юлдузларига қарши майдонга тушади. Араб клуби томонидан Кейлорга ярим мавсум учун 4 миллион евро таклиф этилган. 36 ёшли коста-рикалик голкипер ҳам Роналду билан бир жамоада ўйнашга қарши эмас. Шунга қарамай, «ПСЖ» шартномаси ёзда якунига етадиган захира дарвозабонини текинга қўйиб юбормоқчи эмас. Маълумот учун, Навас жорий мавсум «ПСЖ» сафида жами 1 ўйинда тўп сурган.