Диққат, диққат, ҳисоблашиш бошланди!

Демак, буёғи катта томоша, яна янгича ҳисоб-китоблар... Шу жойда алоҳида тасвирлар билан айрим қизиқарли кўрсаткичларни келтириб ўтишни лозим кўрдик.

КУЧЛИ 5та ЛИГАДА ЧЕМПИОНЛИК ТАЛВАСАСИ

Ҳозирги ҳолатда Европанинг энг сара лигаларида энг кўп чемпион бўлган клублар рейтингини «А» серия вакили «Ювентус» бошқармоқда - 36та «олтин». Испанияда чин «қирол» - «Реал» бу борада «кекса синьора»дан 1та медаль даражасида орқада, ҳозирча!

Кучли бешлик: энг кўп чемпион бўлган клублар

«Ювентус» - «А» серияда 36 марта

«Реал» - Ла Лигада 35 марта

«Бавария» - Бундеслигада 32 марта

«Барселона» - Ла Лигада 26 марта 

«МЮ» - АПЛда 20 марта

21-АСР ҲОСИЛАСИ 

21-асрда Европанинг энг сара чемпионатларида энг кўп соврин ютган клублар рейтингини эса «Бавария» бошқариб бормоқда. Мюнхен супержамоаси жорий 100 йилликнинг ортда қолган даврида жами 46та совриндан катта коллекция яратди. Бу ерда ҳам бош таъқибчи Испаниядан. Фақат «Реал» эмас, балки «Барселона» - 35та соврин.

АПЛ: САРА КЛУБЛАР ТЎПУРАРЛАРИ

Асосий эътибор Англия чемпионатига қаратилиши турган гап. Ўтган мавсумнинг энг яхши 10та клубига қарасак, уларнинг бир нечтасида амалдаги футболчи бош тўпурар мақомида. Фақат кўрсаткичлар турлича. Умуман, АПЛ иштирокчиларининг тарихдаги энг яхши тўпурарлари рўйхатида 1-ўрин ҳамон «Манчестер Сити» учун 184та гол урган Серхио Агуэрога тегишли. Лекин Гарри Кейн яқин орада аргентиналикдан ўзиб кетади агар унга нималардир халақит бермаса.