«Наполи» ҳужумчиси Виктор Осимхен сешанба куни яна бир гол урди.
У Чемпионлар лигасида «Айнтрахт» билан ўйинда рақиб дарвозасини ишғол қилди. Ўйиндан сўнг нигериялик футболчига ўзининг келажаги ҳақида савол берилди. Fichajes нашрининг ёзишича, Осимхен кўплаб клубларнинг, жумладан, «Реал»нинг қизиқиши унинг фаолиятига таъсир қилганини ва унинг келажаги мавсум охирида ҳал қилинишини айтди. Шу билан бирга, Осимхен ҳозир бор эътиборини «Наполи»да ўйнашга қаратганини таъкидлади. 2022/2023 йилги мавсумда Виктор Осимхен «Наполи» сафида 24та ўйинда майдонга тушди. Уларда 24 ёшли форвард 20та гол урди ва шерикларига 4та голли узатма берди. Тransfermarkt портали Виктор Осимхенни 70 миллион еврога баҳоламоқда.
