Паласиоснинг рафиқаси олтин медални сотмоқчи...

Аргентиналик футболчи билан ажрашаётган Йезика Фриас Тигредаги квартирасининг қарзини тўлаш учун жаҳон чемпионати олтин медалини сотувга қўймоқчи. «Мен унинг ажрашиш тўғрисидаги хужжатга имзо чекишини хоҳлайман. Фақат ўзимга тегишли бўлган нарсани сўраяпман ва бу Германиядаги умумий мулк ҳам эмас. У квартиранинг ижара ҳақини тўламаяпти. Мен ижара ҳақини тўлаш учун унинг барча футболкалари ва жаҳон чемпионати ғолиблиги учун берилган медалини сотаман. У билан 4 йил бирга бўлдим. Шу вақтгача жим турганим унинг манфаатлари учун. Миллий жамоа ҳақида ҳам биладиган нарсаларим бор, лекин уларни айтмадим», - деди Фриас Socios del Espectáculo дастурида. Маълумот учун, «Байер» ярим ҳимоячиси Аргентина билан ЖЧ-2022да зафар қучган. У мундиалда 3та ўйинда захирадан тушган.