Скотт Паркер истеъфога чиқарилди

Бельгия клуби Чемпионлар лигаси 1/8 финалида «Бенфика»га икки ўйинда умумий - 1:7 ҳисобида (0:2, 1:5) мағлубиятга учраб, турнирни тарк этгач, англиялик мутахассис билан хайрлашганини эълон қилди. 42 ёшли Паркер жамоани 2022 йилнинг 31 декабрь куни қабул қилиб олиб, унинг қўл остида «Брюгге» 12 ўйинда бор йўғи 2та ғалабага эришди. Клуб Бельгия чемпионатида 4-ўринда бормоқда. У бунгача «Фулхэм» ва «Борнмут» клубларини ҳам бошқарган.