«ПСЖ» Саншешни ўзига оғдирмоқчи

Инсайдер Николо Скиранинг маълумот беришича, 24 ёшли ярим ҳимоячига «ПСЖ»дан ҳам қизиқишлар мавжуд. Бир неча кун аввал «Милан» португалиялик футболчи учун 10 млн. евро нақд пул ва 5 млн. евро миқдорида бонуслар бермоқчилиги, Саншешга эса 4 йиллик шартнома ҳамда йиллик 3,5 млн евро маош тўлашга тайёрлиги хабар қилинганди. Манбага кўра, парижликлар «Лилль» клубига Ренату учун 20 млн. евро тўлаб, футболчига 5 млн. евро маош кўзда тутилган 5 йиллик шартнома тақдим қилишга тайёр. Маълумот учун, Португалия миллий жамоаси аъзоси якунига етган мавсум 32та ўйинда майдонга тушиб, 2та гол ва 5та ассист муаллифига айланган.