«ПСЖ»га психолог керак...

By Пўлатов Мухаммадхон 26 Jul, 2022 3 дақиқа ўқиш 787 Кўрилди

0 comments 0 likes

«ПСЖ» раҳбарияти жамоага Чемпионлар лигасидаги натижаларини яхшилашга ёрдам бериш учун психолог таклиф қилмоқчи, деб хабар беради Mundo Deportivo L`Equipe нашрига таяниб.

Маълум қилинишича, клубнинг янги спорт директори Луис Кампос ўтган мавсумда Чемпионлар лигасининг 1/8 финалида «Реал» билан ўйиндаги каби вазиятлардан қочиш учун шундай қарорга келган. Ўшанда «ПСЖ» биринчи учрашувда ғалаба қозонган (1:0), иккинчи учрашувда 1:3 ҳисобда мағлуб бўлганди. 1/8 финалда мусобақадан чиқиб кетиш «ПСЖ» учун сўнгги олти мавсумдаги тўртинчиси бўлди. Янги мутахассис 2022/2023 йилги мавсумда чемпионлик учун яна курашмоқчи бўлган жамоага Чемпионлар лигасининг сўнгги босқичларида руҳий тўсиқни енгиб ўтишга ёрдам бериши кутилмоқда.