Англиянинг «Лидс» клуби ярим ҳимоячиси Рафинья фаолиятини Испанияда давом эттирадиган бўлди.
«Барселона» клуби расмий сайти Рафинья трансфери масаласида «Лидс Юнайтед» билан келишувга эришганини эълон қилди. 25 ёшли вингер тез орада клубда тиббий кўрикдан ўтгач, трансфер расмийлаштирилади. У янги жамоаси билан 2027 йилга қадар шартнома имзолайди. Аввалроқ, Рафинья учун «Барса» «Лидс»га 58 миллион евро трансфер пули тўлаши, яна 7 млн. евро бонус сифатида тўланиши мумкинлиги ҳақида хабар қилинган эди. Маълумот учун, Рафинья АПЛ якунланган мавсумида 35 ўйинда 11та гол ва 3та ассистга муаллифлик қилган. У бунгача Португалиянинг «Витория Гимарайнш» ва «Спортинг» клубларида тўп сурган.
