Ракурс Депай ўзи «Барса»га керакми?

Ушбу воқеалар таъсирида нидерландиялик футболчи «Твиттер»даги саҳифаси орқали иккита қайд қолдирди. Улардан бири кўпчиликнинг эътиборини тортди.

* «Мендан муайян тактика асосида фойдаланишди. Буларнинг бари яхшиликка, шунинг учун ҳам кўпчиликка ёқаман. Ҳаётим давомида унчалик яхши ўйнай олмадим, стандарт ташқи кўринишга эга эмасман, ўзимни тўғри тутмадим. Эркин яшаганингизда мана шунақа ҳолатлар ҳам учраб туради».

* «Бу мавсум қўрқинчли бўлиши кутилмоқда».

Депайнинг ўзига хос фалсафаси мухлислар қизиқишига сабаб бўлди. Уларнинг айримлари ғазабланишди ҳам. Мана, улар томонидан қолдирилган изоҳларга эътибор қаратинг:

* «Сен «Барса» учун катталик қиласан... Бу кичик клубни ташла».

* «Эҳтимол, Куман уни қўллаб-қувватлагандир, лекин Мемфис Хавининг ўйин режасига мос тушмайди. Бу футболчи барқарор эмас, у «Барса» ҳужумининг таянчига айлана олмайди. Депайни сотиб юбориш ҳар икки томон учун фойдали бўлади».

* «Депай қ Рафинья трансфери учун пуллар».

Ўз навбатида, кўпчилик мухлислар Мемфиснинг ёнини олиб, келгусида уни «Барса»да кўришни хоҳлашаётганини таъкидлашди. Депай кейинги мавсум «Камп Ноу»да фаолият юритадими, йўқми, айтиш мушкул. Гап-сўзларга кўра, Хави нидерландиялик форвардни жамоада олиб қолмоқчи, лекин клуб унинг трансфери орқали пул ишлаш ниятида.

А.АҲМЕДОВ тайёрлади