«Реал» Боатенгга қизиқмоқда

By Пўлатов Мухаммадхон 30 Sep, 2023 3 дақиқа ўқиш 202 Кўрилди

0 comments 0 likes

«Бавария» ва Германия терма жамоасининг собиқ ҳимоячиси Жером Боатенг фаолиятини «Реал»да давом эттириш имконига эга бўлди.

Мадридликлар жароҳат олиб, узоқ муддатга сафдан чиққан Эдер Милитаонинг ўрнини боса оладиган ўйинчи қидиряпти. Айни пайтда ишсиз юрган 35 ёшли Боатенг бу позициясида ишончли ўйнай олади. Жером ўтган мавсумни «Лион» сафида ўтказган эди. Бироқ ёзда шартномаси якунланганидан кейин тажрибали футболчи ўзига янги жамоа топа олмади. «Қироллик клуби» мутасаддилари Жером Боатенг билан жорий мавсум охиригача давом этадиган қисқа муддатли шартнома тузиши мумкинлиги айтилмоқда.