"Реал "нинг кийиниш хонасида Мбаппега шубҳалар кучаймоқда.

 Релево хабарига кўра, клуб Мбаппени қўллаб-қувватлаб, унинг ўзига бўлган ишончини тиклашга ҳаракат қилмоқда, бироқ кетма-кет муваффақиятсиз ўйинлар жамоадошларида 25 ёшли ҳужумчига нисбатан шубҳа уйғотмоқда

"Реал Мадрид" футболчилари ҳужумчи Килиан Мбаппенинг фидойилигига шубҳа қилишмоқда. Манбага кўра, “Лось-Бланкос” футболчилари франциялик футболчининг ҳар бир машғулотда ўз иқтидорини намоён этишини кўриш билан бирга, “ўйинларда алангаси ўчаётганини” ҳам пайқашмоқда. "Қироллик клуби"нинг қолган футболчилари муаммо нафақат имкониятларни кўкка совуришда, балки Мбаппе керак бўлган пайтда жамоага ёрдам беришга ҳаракат қилмаётганида эканлигини таъкидлашмоқда. 

 Жорий мавсумда Мбаппе барча турнирларда 20 та учрашувда иштирок этиб, 10 та гол ва 2 та голли узатмага муаллифлик қилган. Футболчининг клуб билан амалдаги меҳнат шартномаси 2029 йилнинг ёзига қадар мўлжалланган. Трансфермаркт порталида келтирилган маълумотларга кўра, футболчининг бозор қиймати 180 миллион еврони ташкил қилади.