«Рома» ҳамкори ўзгарди

Клуб матбуот хизматининг хабар беришича, «бўрилар» янги 2023/24 йилги мавсумдан бошлаб Adidas либосларида ҳаракат қилади. Германия компанияси эса «Рома»га йилига 5 млн. евро тўлайди. Эслатиб ўтамиз, «Рома» ўтган мавсум УЕФА Европа Лигаси финалига қадар етиб борди, «А» серияда эса 6-ўринни эгаллади. Жамоа бундан аввал Американинг New Balance компанияси билан ҳамкорлик қилган.