Роналду - ИТда ягона, лекин...

«Манчестер Юнайтед» ҳужумчисининг обуначилари сони 500 миллиондан ошди. Португалиялик футболчи инстаграмда одамлар орасида биринчи бўлиб бундай натижага эришди. 2-ўринни 376 млн. обуначига эга «ПСЖ» ҳужумчиси Лионель Месси эгаллаб турибди.

Лекин португалиялик юлдузнинг «Манчестер Юнайтед»даги ишлари яхши эмас. Роналду жамоадан кетишга рози бўлмаса, клуб уни ёшлар жамоасига тушириб юборади. Тhe Telegraph хабарига кўра, манкунианликлар 37 ёшли ҳужумчининг клуб шартларига кўра кетишини исташмоқда. Агар португалиялик билан бу борада музокаралар олиб борилмаса, у U-21 жамоаси билан машғулот ўтказишга мажбур бўлади. Шартномани бекор қилиш бўйича музокаралар Криштиану қолган 7 ойлик маошидан воз кечишга тайёрми ёки йўқлигига боғлиқ бўлади. Форвард клубда ҳафтасига 500 минг фунтга яқин маош олади. Бош мураббий Эрик тен Хаг раҳбариятга ҳужумчи бошқа майдонга тушмаслигини билдирган. Катта эҳтимол билан Роналдудан ЖЧ-2022дан кейин клуб базасига қайтмаслик сўралади. Эслатиб ўтамиз, футболчи ўз интервьюсида клуб унга хиёнат қилгани ва тен Хагни ҳурмат қилмаслигини айтганди.