Роналду-Мендеш можаросининг сабаби маълум

The Athletic хабарига кўра, португалиялик машҳур футбол агенти Роналдунинг «МЮ»ни тарк этишига қарши бўлган. Қайд этилишича, Жорже Мендеш мижозининг Манчестер клубини тарк этиш хоҳишидан келиб чиқиб, унга Чемпионлар лигасида иштирок этувчи янги клуб қидиришга тушган. Аммо Роналду ҳафталик маошини 80 минг фунтгача қисқаришига рози бўлганига қарамай, ЕЧЛда иштирок этадиган ҳеч бир клуб аниқ таклиф билдирмаган. Шу боис Мендеш Роналдунинг «МЮ»да қолиб, ўз ўйини билан яна аввалги даражасини тиклаш ва кейинги мавсум ЕЧЛда тўп суриш имкониятини қўлга киритишни маслаҳат берган. Футболчини «МЮ»да қолишга кўндирмоқчи бўлган. Аммо Роналду агентининг таклифини рад этиб, 20 йиллик ҳамкорлик совуқлашишига сабаб бўлган. Криштиану Мендеш билан ҳамкорликни бошқа давом эттирмасликка қарор қилган. «Ал-Наср» билан музокаралар ва шартнома имзоланишида ҳам Жорже Мендеш иштирок этмаган. Ушбу трансферни португалиялик футболчининг шахсий менежери Рикарду Регуфе амалга оширган.